Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Bi gizon atxilotu dituzte Basaurin eta Sondikan emakumeen kontrako delituak egotzita


2006-11-03 13:02

BILBO, 3 (EUROPA PRESS)

Bi gizon atxilotu dituzte atzo eta gaur, Sondikan eta Basaurin, hurrenez hurren, emakumeen aurkako delituak leporatuta. Sondikan atxilotuak bikotekideari hainbat zaplastako eta ostikoren bat eman

zizkion atzo, eta Basauriko atxilotuak, aldiz, emazte ohia erasotu du gaur goizaldean, Eusko Jaurlaritzako Herrizaingo Sailak gaur jakinarazi duenez.

Basauriko Ertzainetxeko agenteek 39 urteko gizon bat atxilotu dute gaur goizaldeko lehen orduan Bizkaiko herri horretan, emakumeen kontrako delitu bat egotzita, emazte ohia erasotu eta lesioak eragin baitizkio; ondorioz, ospitalean artatu behar izan dute biktima.

Atzo gaueko 23,30etan Ertzaintzari jakinarazi ziotenez, gizon bat emakume bat erasotzen ari zen Bilboko Matiko auzoko etxebizitza

batean. Behin hara iritsita, biktimarekin harremanetan jarri ziren agenteak. Emakumeak urradurak eta kolpeen markak zituen aurpegian eta lepoan eta, poliziei adierazi zienez, senar ohiak eraso berri zion. Emazte ohiari eraso ondoren, etxetik alde egin zuen gizonak eta Basauri ingurura joan zen.

Ordu erdi beranduago, deia egin zuenak emandako deskribapenarekin bat egiten zuen 39 urteko gizon bat aurkitu zuten ertzainek Basauriko Agirre Lehendakaria kalean. Identifikatu ostean, atxilotu egin zuten, emakumeen aurkako indarkeria delitua leporatuta.

Bestalde, Bilboko anbulatorio batera eraman zuten biktima ertzainek, erasoaren eraginez izandako zauriak artatzeko. Printzipioz, zauriak ez ziren larriak.

SONDIKA

Beste alde batetik, atzo arratsaldeko 16,00etan, Erandioko Ertzainetxeko agenteek 33 urteko gizon bat atxilotu zuten haren etxean, Sondikan, emakumeen aurkako delitu bat egotzita.

Bikotekideari hainbat zaplastako eta ostikoren bat eman zizkion eta, ondorioz, laguntza medikua behar izan zuen zauriak artatzeko. Gainera, poliziak etxebizitzara iritsi zirenean ere emakumea erasotzen saiatu zen. Atxilotu biak, bai Basaurikoa bai eta Sondikakoa ere, epailearen esku utziko dituzte hurrengo orduetan.


265 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin