Webgune honek cookieak erabiltzen ditu, gure cookien politika ikusteko, Nabigatzen jarraitzen baduzu onartuko duzu
EU | ES
Menu
Logo kaixo.com Logo kaixo.com
Logo bilatu
Logo usuario

EUSKADI.-Alkarbide bilguneak gurasoentzat zerbitzuak euskaraz eskeintzen duen ekimena abiarazi du Bizkaiko 22 udal eta elkartetan


2006-01-11 13:50

BILBO, 11 (EUROPA PRESS)

Bizkaiko euskara zerbitzuen bilgunea den Alkarbide lantaldeak herritarrek, eta bereziki haurrak dituzten gurasoek, udalerrietan euskaraz zein zerbitzu, jarduera edota ekimen aurki ditzaketen argi eta garbi eta eskura izateko tresna berria sortu dute lurralde historiko honetako hainbat udalerri eta udal-elkarteren laguntzarekin, 22 hain zuzen ere.

Erabili.com web-gunearen arabera, Euskara Zerbitzuak, zerbitzuak euskaraz leloa daraman kanpaina hau Bizkaiko 22 udalerri eta elkarteren ekimen bateratua da, eta xede dauka udalaren euskara zerbitzuak eta beste erakunde batzuek herrian bertan eskaintzen dituzten zerbitzu eta antolatzen dituzten jardueren berri ematea herritarrei, batik bat, 12 urte arteko umeak dauzkaten herriko familiei. Hala ere, 1 eta 16 urte arteko neska-mutilentzat nahiz haien gurasoentzat eskaintzen diren euskarazko saio eta beste jasota daude baita ere gidan.

Alkarbidek, Bizkaiko euskara zerbitzu guztiak batzen dituen bilguneak, euskararen geroratzea lantzeko plangintza gertatu zuen 2005eko ekitaldiaren hasieran eta jarduera horien nahiz beste zerbitzu batzuen gaineko argibideak emateko baliatu dute udalek kanpaina hau.

Jarduerak, besteak beste, ondorengoetaratze edo transmisio kanpaina (ume jaioberrien gurasoentzat eta 1-6 urteko umeen gurasoentzat), ume-jagoleen zerrenda, Euskarazko Produktuen Katalogoa, udalekuak, kultur eta kirol jarduerak edota gurasoentzako ikastaroak izango dira.

TOKIAN TOKIKOAK

Kaleratu berri den euskarria, izatez, tokian-tokian antolatzen diren euskarazko jarduera eta beste zerbitzu batzuen fitxa-sorta da. Jarduera bakoitza fitxa batean ageri da eta guztiak plastikozko zorro batean bilduta daude. Zorroak, berriz, imana dauka atzean, hozkailuan edo metalezko tresnaren batean itsasteko.

Fitxa bakoitzean zerbitzu edo jardueraren azalpena, helburua, hartzaileak, argibideak non lortu eta jarduera noiz egiten den buruzko datuak ageri dira eta hainbat ale udalen menpeko kulturgune eta azpiegituretan ere jarri dira.

Guztira Bizkaiko 22 udalerri eta elkartek bultzatu dute kanpaina eta, gutxi gorabehera, ekimenaren sustatzaile diren 16.000 familia izango dira hartzaileak. Alkarbidek sortutako Euskara Zerbitzuak, zerbitzuak euskaraz kanpainan parte hartu duten udalerri eta udal erakundeen zerrendan Arrigorriaga, Basauri, Berango, Erandio, Galdakao, Getxo eta Leioako Udalak batetik, eta Enkarterriko zein Uribe Kostako Udalen Mankomunitatea bestetik, ageri dira.


740 aldiz ikusita
+ Berria gehitu   + Berria aldatu/ezabatu

Iruzkina bidali

Testua:
Erabiltzailea: Anonimoa
Erabiltzaile erregistratua Lehenengo izena eman bestela anonimoa izango zara
Lege oharra onartzen dut
0 iruzkin aurkitu dira 1tik 0ra erakusten

0 iruzkin